சென்னையில் ரூ.36.52 லட்சம் மதிப்புடைய தங்க பேஸ்ட் பறிமுதல்

துபாயிலிருந்து சென்னைக்கு சிறப்பு விமானத்தில் கடத்தி வரப்பட்ட ரூ.36.52 லட்சம் மதிப்புடைய தங்க பேஸ்ட்டை சுங்கத்துறையினர் பறிமுதல் செய்தனர்.

துபாயிலிருந்து இண்டிகோ ஏர்லைன்ஸ் சிறப்பு விமானம் இன்று (ஜன.15) அதிகாலை சென்னை வந்தது. அதில் வந்த பயணிகளை சுங்கத்துறையினர் சோதனை செய்தனர்.

கள்ளக்குறிச்சியைச் சேர்ந்த மணிகண்டன் சங்கர்(21) என்ற பயணி மீது சந்தேகம் ஏற்பட்டது. அவரை தனி அறைக்கு அழைத்துச் சென்று சோதனை செய்தனர். அப்போது அவர் உள்ளாடைகளுக்குள் 722 கிராம் தங்க பேஸ்ட்டை மறைத்து வைத்திருந்தது கண்டுபிடிக்கப்பட்டது. இதன் மதிப்பு ரூ. 36.52 லட்சம் என தெரிகிறது. இதையடுத்து அவரை சுங்கத்துறையினர் கைது செய்தனர்.

இதையும் படிங்க: துபாயிலிருந்து கடத்தி வந்த 863 கிராம் தங்கம் பறிமுதல்