சென்னை: தமிழ்நாட்டில் ராமேஸ்வரம், நாகப்பட்டினம் மற்றும் காரைக்கால் ஆகிய பகுதிகளைச் சேர்ந்த 29 மீனவர்கள் கடந்த ஜனவரி மாதம் ஆம் 27 தேதி நள்ளிரவு கடலில் மீன் பிடித்துக் கொண்டிருந்தபோது இலங்கை கடற்படையினர் மீனவர்களின் படகுகளைச் சுற்றி வளைத்துப் பிடித்தனர். அதோடு மீனவர்களை எல்லை தாண்டி மீன் பிடித்ததாகக் கைது செய்து. படகு மற்றும் மீன் வலைகளை பறிமுதல் செய்தனர்.
அதன்பின் 29 மீனவர்களையும் இலங்கை அழைத்துச் சென்று சிறையில் அடைத்தனர். இந்த நிலையில் இலங்கை கடற்படையால் கைது செய்யப்பட்ட மீனவர்களை விடுவிக்க வேண்டுமென அவர்கள் குடும்பத்தினர் தமிழ்நாடு அரசுக்குக் கோரிக்கை வைத்தனர். இதனையடுத்து, தமிழ்நாடு முதலமைச்சர் ஸ்டாலின், மத்திய அரசு வெளியுறவுத் துறை மூலமாக தமிழ்நாடு மீனவர்களை விடுவிக்க நடவடிக்கை எடுத்தனர்.
இதன் மூலம் இலங்கை கடற்படையால் கைது செய்யப்பட்ட 29 மீனவர்களையும் இலங்கை நீதிமன்றம் விடுதலை செய்தது. இதையடுத்து, இலங்கையில் உள்ள இந்திய தூதரக அதிகாரிகளிடம் ஒப்படைக்கப்பட்டனர். தூதரக அதிகாரிகள் 29 மீனர்வகளுக்கும் மருத்துவ பரிசோதனை செய்தனர். மேலும் 14 நாட்கள் தனிமைப்படுத்தினர்.