சென்னையில் புழல் அடுத்த ரெட்டேரி எம்ஜிஆர் நகரில், வீட்டில் கஞ்சா பதுக்கி வைக்கப்பட்டு இருப்பதாக காவல் துறைக்கு ரகசிய தகவல் கிடைத்தது. இதையடுத்து, அப்பகுதியில் தீவிரமாகக் கண்காணித்த காவல் துறை, சர்க்கரை வள்ளி கிழங்குடன் மறைத்து கஞ்சாவைக் கடத்த முயன்ற போது கையும் களவுமாக பிடித்தனர்.
பின்னர் நடத்திய விசாரணையில், இந்த பொட்டலங்கள் ஆந்திர மாநிலத்திலிருந்து சென்னை முழுவதும் விநியோகம் செய்வதற்காக கொண்டு வந்தது தெரிய வந்தது.
இந்த வழக்கில் கைது செய்யப்பட்ட நபரை ஏற்கெனவே போதைப் பொருள் தடுப்புப் பிரிவினர் கடந்த ஒரு வருடமாக 10 பேர் கொண்ட தனிப்படை மூலம் தேடி வந்தது குறிப்பிடத்தக்கது. இதையடுத்து, அந்த நபரிடம் இந்திய போதைப் பொருள் தடுப்புப் பிரிவு அலுவலகத்தில் வைத்து விசாரணை மேற்கொண்டனர்.
பின்னர் கைது செய்யபட்டவர்கள் மீது வழக்குப் பதிவு செய்து அம்பத்தூர் மாஜிஸ்ட்ரேட் முன்னிலையில் ஆஜர் செய்து புழல் சிறையில் அடைத்தனர்.
இதையும் படிங்க: வீட்டுக்குள் நுழைந்த திருடன் - நையப்புடைத்து போலீஸிடம் ஒப்படைத்த மக்கள்