ரூ.70 லட்சம் மதிப்புள்ள தங்கம் பறிமுதல்; 4 பேர் கைது!

சென்னை: துபாய், இலங்கையில் இருந்து சென்னைக்கு கடத்தி கொண்டுவரப்பட்ட ரூ.70 லட்சம் மதிப்புள்ள 2.1 கிலோ தங்கத்தை சுங்கத்துறையினர் பறிமுதல் செய்தனர்.

துபாய், இலங்கையில் இருந்து சென்னைக்கு வரும் விமானங்களில் தங்கம் கடத்தி வரப்படுவதாக சுங்கத்துறை அலுவலர்களுக்கு ரகசிய தகவல் கிடைத்தது. இதையடுத்து அந்நாடுகளின் விமானங்களில் இருந்து இறங்கி வந்த பயணிகளிடம், அலுவலர்கள் நடத்திய அதிரடி சோதனையில் 70 லட்ச ரூபாய் மதிப்புள்ள 2.1 கிலோ தங்கத்தை பறிமுதல் செய்தனர். இது தொடர்பாக, இலங்கையைச் சேர்ந்த சீதாலட்சுமி(64), கேரளாவைச் சேர்ந்த சிபிலு ரகுமான்(25), அட்னம் (36) ஆகிய மூன்று பயணிகளை சுங்கத்துறை அலுவலர்கள் கைது செய்து விசாரணை நடத்தி வருகின்றனர்.