சென்னை:வங்கக்கடலில் அந்தமான் அருகே உருவாகியுள்ள அசானி புயல், ஆந்திரா ஒடிசா மாநிலங்களை மிரட்டிக் கொண்டிருக்கிறது. அதோடு தமிழகத்திலும் பரவலாக சென்னை உள்ளிட்ட பல்வேறு பகுதிகளில் பலத்த மழை முதல் லேசான மழை வரை அவ்வப்போது பெய்து வருகிறது. மேலும் அவ்வப்போது சூறைக்காற்றும் வீசி மக்களை அச்சுறுத்தி வருகிறது.
இந்நிலையில் நேற்று அசானி புயல் காரணமாக சென்னையில் இருந்து ஹைதராபாத், விஜயவாடா, மும்பை, ஜெய்ப்பூர் உள்ளிட்ட பல இடங்களுக்கு செல்லும் 10 விமானங்கள் ரத்து செய்யப்பட்டன.
இந்த நிலையில் இன்று 2-வது நாளாக சென்னையில் அசானி புயல் காரணமாக 17 உள்நாட்டு விமானங்கள் ரத்து செய்யப்பட்டுள்ளன. இதில் 8 விமானங்கள் சென்னையில் இருந்து புறப்பட்டு செல்லும் விமானங்கள், 9 விமானங்கள் சென்னைக்கு வந்து சேரும் விமானங்கள்.