செங்கல்பட்டு மாவட்டம், திருக்கழுக்குன்றம் ஒன்றியம் பூந்தண்டலம், நடுவக்கரை, வீராபுரம், பெரிய காட்டுப்பாக்கம் ஆகிய பகுதிகளில் திமுக தலைமையிலான மதச்சார்பற்ற முற்போக்கு கூட்டணியின், விடுதலை சிறுத்தைகள் கட்சி, செய்யூர் சட்டப்பேரவைத் தொகுதி வேட்பாளர் பனையூர் மு.பாபு தீவிர வாக்கு சேகரிப்பில் ஈடுபட்டார்.
செய்யூர் சட்டப்பேரவைத் தொகுதி விடுதலை சிறுத்தைகள் கட்சி வேட்பாளர் பனையூர் பாபு நூதன பரப்புரையில் ஈடுபட்டார்
இந்நிலையில் பெரிய காட்டுப்பாக்கம் பகுதியல் விவசாயிகள் வயலில் வேர்கடலை பிடுங்கி கொண்டு இருந்தனர். உடனே வாகனத்தில் இருந்து இறங்கி வயலுக்குச் சென்று, விவசாயிகளுடன் கலந்துரையாடினார். அப்போது தான் என்றும் விவசாயிகளின் நண்பனாக இருப்பேன் என்பதை உணர்த்தும் வகையில், அவர்களுடன் அமர்ந்து வேர்க்கடலை பிடுங்கி, அவர்களுக்கு உதவி செய்தார்.