18:03 October 12
சென்னை: தமிழ்நாட்டில் தொடர்ந்து 5 ஆயிரத்துக்கு மேல் இருந்து வந்த கரோனா வைரஸ் தொற்றால் பாதிக்கப்பட்டவர்களின் எண்ணிக்கை இன்று (அக்டோபர் 12) 4879 என குறைந்துள்ளது.
இதுதொடர்பாக மக்கள் நல்வாழ்வு துறை இன்று வெளியிட்டுள்ள புள்ளிவிவர தகவலில் கூறியிருப்பதாவது:
தமிழ்நாட்டில் புதிதாக 78 ஆயிரத்து 440 நபர்களுக்கு ஆர்டிபிசிஆர் மூலம் கரோனா வைரஸ் பரிசோதனை மேற்கொள்ளப்பட்டது. இதில் தமிழ்நாட்டிலிருந்து 4 ஆயிரத்து 876, கர்நாடகாவில் இருந்து தமிழ்நாட்டுக்கு மூன்று நபர்கள் என 4 ஆயிரத்து 879 நபர்கள் புதியதாக கரோனா வைரஸ் தொற்றினால் பாதிக்கப்பட்டு இருக்கின்றனர்.
தமிழ்நாட்டில் ஆர்டிபிசிஆர் பரிசோதனை 81 லட்சத்து 63 ஆயிரத்து 27 நபர்களுக்கு செய்யப்பட்டுள்ளது. அவர்களில் 6 லட்சத்து 61 ஆயிரத்து 264 நபர்கள் கரோனா வைரஸ் தொற்றினால் பாதிக்கப்பட்டது தெரியவந்தது.
இதையடுத்து நோய் தொற்று பாதிக்கப்பட்டவர்களிள் தற்போது மருத்துவமனைகள் மற்றும் தனிமைப்படுத்தும் மையங்களில் 43 ஆயிரத்து 747 நபர்கள் சிகிச்சை பெற்று வருகின்றனர்.
மருத்துவமனைகளில் சிகிச்சை பெற்று வந்தவர்களில் 5 ஆயிரத்து 165 நபர்கள் குணமடைந்து வீட்டுக்கு இன்று அனுப்பி வைக்கப்பட்டுள்ளனர். இதனால் மாநிலத்தில் குணமடைந்தவர்கள் எண்ணிக்கை 6 லட்சத்து 7 ஆயிரத்து 203 என உயர்ந்துள்ளது.
மருத்துவமனையில் சிகிச்சை பெற்றவர்களில் சிகிச்சை பலனின்றி தனியார் மருத்துவமனையில் 29, அரசு மருத்துமனையில் 33 என 62 நபர்கள் சிகிச்சை பலனின்றி உயிரிழந்துள்ளனர். இதனால் இறந்தவர்களின் எண்ணிக்கை 10 ஆயிரத்து 314ஆக அதிகரித்துள்ளது.
சென்னையில் 13 ஆயிரத்து 756 நபர்கள் தொடர் சிகிச்சையில் இருந்து வருகின்றனர்.
மாவட்ட வாரியாக பாதிப்பு விவரம்:
சென்னை - 1,83,251
செங்கல்பட்டு - 39,621
கோயம்புத்தூர் - 37,511
திருவள்ளூர் - 34,958
காஞ்சிபுரம் - 23,662
சேலம் - 23,650
கடலூர் - 21,793
மதுரை - 17,574
திருவண்ணாமலை - 16,674
வேலூர் - 16,403
தேனி - 15,691
விருதுநகர் - 14,872
ராணிப்பேட்டை - 14,186
தூத்துக்குடி - 14,181
கன்னியாகுமரி - 13,849
தஞ்சாவூர் - 13,864
திருநெல்வேலி - 13,573
விழுப்புரம் - 12,624
திருச்சிராப்பள்ளி - 11,435
திருப்பூர் - 10,219
புதுக்கோட்டை - 9,944
கள்ளக்குறிச்சி - 9,722
திண்டுக்கல் - 9,338
திருவாரூர் - 8,511
ஈரோடு - 8,426
தென்காசி - 7,630
நாமக்கல் - 7,281
நாகப்பட்டினம் - 5,900
ராமநாதபுரம் - 5,760
திருப்பத்தூர் - 5,783
சிவகங்கை - 5,524
கிருஷ்ணகிரி - 5,586
நீலகிரி - 5,512
தருமபுரி - 4,693
அரியலூர் - 4,129
கரூர் - 3,599
பெரம்பலூர் - 2,000
சர்வதேச விமானத்தில் வந்தவர்கள் - 925
உள்நாட்டு விமானத்தில் வந்தவர்கள் - 982
ரயில் மூலம் வந்தவர்கள் - 428
இதையும் படிங்க: முதலில் கிடைக்கும் கரோனா தடுப்பு மருந்து இதுதான்!