கள்ளக்குறிச்சி மாவட்டம், கருமார்பாளையம் பகுதியைச் சேர்ந்தவர் ஸ்டாலின் (30). இவர் தனது உறவினர் பெண்ணை மணமுடித்து இரு ஆண்டுகள் ஆகின்றன. மனைவி தனது சொந்த ஊரிலேயே தங்கிப் படித்துவந்தார். ஸ்டாலின் செங்கல்பட்டு மாவட்டம் தாழம்பூர் அடுத்த பொன்மாரில், வீடு வாடகைக்கு எடுத்துத் தங்கி, தனியார் நிறுவனம் ஒன்றில் பணிபுரிந்துவந்தார்.
இந்நிலையில், நேற்று இரவு (டிச.14) ஸ்டாலின் தனது வீட்டிலேயே துாக்கிட்டுத் தற்கொலை செய்துகொண்டதால் உயிரிழந்தார். இது குறித்து தகவலறிந்து சம்பவ இடத்திற்கு வந்த தாழம்பூர் காவல் துறையினர் ஸ்டாலினின் உடலைக் கைப்பற்றி, செங்கல்பட்டு அரசு மருத்துவக் கல்லுாரி மருத்துவமனைக்கு உடற்கூராய்விற்காக அனுப்பிவைத்தனர்.