பாரத் பந்த்தை மிஞ்சிய கரோனா பீதி: மக்கள் இயல்பு வாழ்க்கை முடக்கம்

செங்கல்பட்டு: சுய ஊரடங்கை முன்னிட்டு கரோனா வைரஸ் அச்சத்தால் மக்கள் நடமாட்டம் இல்லாமல் தேசிய நேடுஞ்சாலைகள் வெறிச்சோடிக் காணப்பட்டன.

நாடு முழுவதும் பந்த் அறிவித்தால்கூட மக்கள் நடமாட்டம் சாலையில் இருக்கத்தான் செய்யும். சில கடைகள் திறந்திருக்கும், வாகனங்கள் சாலைகளில் பறந்துகொண்டுதான் இருக்கும். ஆனால், இந்தக் கரோனா வைரஸ் அச்சத்தால் மத்திய அரசு அறிவித்த சுய ஊரடங்கை முன்னிட்டு மக்கள் நடமாட்டமே கண்களில் தென்படாத சூழ்நிலை உருவானது.

சென்னை டூ திருச்சி, திருச்சி டூ சென்னை ஆகிய இரு தேசிய நெடுஞ்சாலைகளும் வாகனங்கள் இல்லாமல் வெறிச்சோடிக் காணப்பட்டன. இந்தத் தாக்கம் நகர்ப்புறம் மட்டும் இல்லாமல் கிராமப்புறங்களிலும் அதிகமாகக் காணப்பட்டது.

இதுமட்டுமின்றி இந்தச் சுய ஊரடங்கு அமலில் இருக்கும்போது விமானம் மூலம் கரோனா அழிக்கும் மருந்தினை தெளிக்கப்போகிறார்கள் என்ற வதந்தியும் சமூக வலைதளங்களில் பரவியதால் மக்கள் மிகுந்த அச்சத்தில் இருந்தனர்.

இதையும் படிங்க:சமீபத்தில் வெளிநாடு பயணம் மேற்கொண்டவர்கள் தனிமைப்படுத்திக்கொள்ள வேண்டும் - விஜய பாஸ்கர்