செங்கல்பட்டு மாவட்டம் மதுராந்தகம் அருகேயுள்ள அச்சரப்பாக்கம் காவல் நிலையத்தில் கடந்த ஓராண்டுக்கு முன்பு ஆய்வாளராக பொறுப்பேற்றுக் கொண்டவர் சரவணன், இவர் பொறுப்பேற்ற பிறகு இப்பகுதியில் விபத்து, திருட்டு, வழிப்பறி போன்ற முக்கிய குற்றங்கள் எதுவும் நடக்காமல், சமூக விரோதிகள் இப்பகுதிக்குள் நுழையாமல் இருக்க அனைத்து இடங்களிலும் சிசிடிவி கேமரா பொருத்தி கண்காணிப்பு பணியில் ஈடுபட்டுவந்தார்.
இந்தக் காவல் நிலையத்தின் எல்லைக்கு உட்பட்ட தேசிய நெடுஞ்சாலையில் விபத்து ஏற்படாத வகையில் மின் விளக்குகள், எச்சரிக்கை விளக்குகள் போன்றவற்றை பதித்துள்ளார். இவரது நடவடிக்கைகளால் இப்பகுதியில் அடிக்கடி திருட்டு நடப்பது வெகுவாக குறைந்துள்ளது. இவர் காவல்துறை ஆய்வாளர் என்றாலும், இப்பகுதியிலுள்ள மக்கள் எளிதில் தொடர்புகொள்ளும் விதமாக, மக்களோடு மக்களாக பழகிவந்தார். இது அப்பகுதி மக்களிடையே அவருக்கு நன்மதிப்பு இருந்தது.