'சோ' வென்று பெய்த மழை நீரில் 'ஜோ' போல் குளித்த நபர்

செங்கல்பட்டு மாவட்டத்தில் பெய்துவரும் கனமழையால், இரண்டு தரைப்பாலங்கள் நீரில் மூழ்கியுள்ள நிலையில் கிராம மக்கள் சிலர் அந்த நீரில் குளித்தும், துணிகளைத் துவைத்தும் வருகின்றனர்.

செங்கல்பட்டு மாவட்டத்தில் குருவன்மேடு, ரெட்டிப்பாளையம் ஆகிய இரு இடங்களிலுள்ள தரைப்பாலங்கள் மழை நீரில் மூழ்கின. இதனால், போக்குவரத்து சேவை துண்டிக்கப்பட்ட நிலையில் 10 கிராம மக்கள் அவதிப்பட்டு வருகின்றனர்.

ஆனால், இதனை துளிகூட பொருட்படுத்தாத நபர் ஒருவர், பாலத்தின் மீது செல்லும் நீரில் குஷியாக 'குஷி' பட ஜோதிகா போல குளித்துள்ளார். இன்னும் சிலர், ஹாயாக காலை நீட்டி பாலத்தில், ஆபத்தை உணராமல் உட்கார்ந்து துணிகளை துவைத்தும் வருகின்றனர்.

கனமழையால் ஆங்காங்கே வெள்ளம் ஏற்பட்டு மக்கள் வீட்டோடு ஒன்றியுள்ள நிலையில், இவ்வாறு வெள்ளத்தைத் துளிகூட பொருட்படுத்தாமல் ஜாலியாகத் திரியும் மக்களால் வெள்ளத்திற்குண்டான மரியாதையே போச்சு என அப்பகுதி மக்கள் நகைச்சுவையாகத் தெரிவித்துள்ளனர்.

வெள்ள ஆபத்தை உணராமல் மக்கள் இவ்வாறு குளித்து, துணி துவைத்து வருவது பலரது மத்தியில் அதிர்ச்சியை ஏற்படுத்தியுள்ளது.

இதையும் படிங்க:மழைக் காலத்தில் கரோனா தொற்று அதிகரிக்க வாய்ப்பு - ராதாகிருஷ்ணன்