செங்கல்பட்டு: தமிழ்நாட்டில் ஏப்ரல் 6ஆம் தேதி சட்டப்பேரவைத் தேர்தலுக்கான வாக்குப்பதிவு நடந்தது. இதில் செய்யூர், மதுராந்தகம் ஆகிய தொகுதிகளில் பதிவான வாக்கு இயந்திரங்கள் செங்கல்பட்டு மாவட்டம் நெல்வாய் கூட்ரோடு, ஏசிடி பொறியியல் கல்லூரியில் பாதுகாப்பாக வைக்கப்பட்டுள்ளன.
இன்று திடீரென வைஃபை அமைத்து அலுவலர்கள் முறைகேடுகளில் ஈடுபடுவதாக வந்த தகவலை அடுத்து செய்யூர் சட்டப்பேரவைத் தொகுதி விடுதலைச் சிறுத்தைகள் கட்சி வேட்பாளர் பனையூர் பாபு வாக்கு இயந்திரங்கள் வைக்கப்பட்டுள்ள கல்லூரி வளாகத்தில் தர்ணா போராட்டத்தில் ஈடுபட்டார்.