செங்கல்பட்டு:செங்கல்பட்டு மாவட்டம் மதுராந்தகம் ஒன்றியத்திற்கு உட்பட்ட காட்டுதேவாதூர் ஊராட்சியில் அதே பகுதியை சேர்ந்த நிர்மலா தேவி என்பவர், ஊராட்சி செயலராக பணிபுரிந்து வருகிறார். இவர், கிராம மக்களுக்கு இலவசமாக அளிக்கப்படும் ஏரி வேலை அட்டை எனப்படும் 100 நாள் பணிக்கான அட்டைக்கு, பணம் வசூலிப்பதாகப் புகார் எழுந்தது.
இது குறித்து அப்பகுதி வார்டு உறுப்பினர் ஒருவர், இவரை தொலைபேசியில் தொடர்புகொண்டு கேட்கிறார். அதற்கு பதிலளிக்கும் நிர்மலா தேவி, ஆடிட்டர், வட்டார வளர்ச்சி அலுவலர் உள்ளிட்டோருக்குக் கொடுப்பதற்காகத்தான், தான் ஒரு அட்டைக்கு 200 ரூபாய் பணம் வசூலிப்பதாகக் கூறுகிறார்.
அதிகாரிகளுக்கு கொடுக்க லஞ்சம் வாங்குகிறேன்!- ஊராட்சி செயலரின் பரபரப்பு ஆடியோ!