தமிழ்நாட்டில் 10, 11, 12ஆம் வகுப்பு மாணவர்களுக்கான பொதுத்தேர்வு மார்ச் 1ஆம் தேதி தொடங்கி 29ஆம் தேதியுடன் நிறைவடைந்தது. இதில் 12ஆம் வகுப்புக்கான தேர்தல் முடிவுகள், ஏப்.19ஆம் தேதி வெளியானது. தற்போது 10, 11ஆம் வகுப்புகளின் விடைத்தாள்கள் திருத்தும் பணிகள் நிறைவடைந்துள்ளன.
2019ஆம் ஆண்டு 11ஆம் வகுப்பு பொதுத்தேர்வு விடைத்தாள்களை திருத்தும் பணிகளில் 46 ஆயிரம் முதுநிலை ஆசிரியர்கள் ஈடுபட்டனர். தற்போது விடைத்தாள் திருத்தும் பணிகள் முடிந்து மதிப்பெண்களை கணினியில் பதிவேற்றும் பணிகள் நடைபெற்று வந்தன. இந்நிலையில், 11ஆம் வகுப்பு தேர்வு முடிவுகள் எப்போது வெளியாகும் என்று மாணவர்கள் மத்தியில் எதிர்பார்ப்பு எழுந்தது.