சென்னை டி.எம்.எஸ். மற்றும் விமானநிலையம் இடையே ஏற்பட்ட தொழில்நுட்ப கோளாறு காரணமாக மெட்ரோ சேவை நேற்று 6 மணி நேரத்துக்கும் மேலாக பாதிக்கப்பட்டது.
இந்நிலையில், மெட்ரோ ரயிலில் ஏற்பட்ட தொழில்நுட்ப கோளாறுகள் முழுவதும் சரிசெய்யப்பட்டதாகவும், வழக்கமான சேவை இன்று தொடரும் எனவும் மெட்ரோ ரயில் நிர்வாகம் அறிவித்துள்ளது.
அதேபோல், மெட்ரோ ரயிலில் இன்று இலவசமாக பயணம் செய்து கொள்ளலாம் என்றும் மெட்ரோ நிர்வாகம் அறிவித்துள்ளது. இந்த இலவச சேவை இன்று இரவு 10 மணி வரை தொடரும் என தெரிவிக்கப்பட்டுள்ளது.
இதனிடையே, இலவச பயண அறிவிப்பு காரணமாக மெட்ரோ ரயிலில் பயணிகள் கூட்டம் அலைமோதி வருகிறது.
முன்னதாக, நேற்றும் இலவச பயணம் அறிவிக்கப்பட்டிருந்த நிலையில், இன்று இரண்டாவது நாளாக நீடிக்கப்பட்டுள்ளது.