சென்னையைச் சேர்ந்த ஜெயசங்கர்-ஹேமாவதி தம்பதியரின் குழந்தை மேக வந்தனா. இந்த குழந்தை சென்னையில் உள்ள தனியார் சி.பி.எஸ்.இ. பள்ளியில் எல்.கே.ஜி வகுப்பு படித்துவருகிறது. இந்நிலையில் எட்டாம் வகுப்பு வரை படிக்கும் மாணவர்களை தோல்வியடையச் செய்யக்கூடாது என்னும் அனைவருக்கும் கல்வி உரிமைச்சட்டத்தை மீறி மேக வந்தனாவை பள்ளி நிர்வாகத்தினர் தோல்வியடையச் செய்துள்ளனர். இதற்கு பெற்றோர் கடுமையாக எதிர்ப்பு தெரிவித்துள்ளனர்.
எல்கேஜி குழந்தையை தோ்வில் தோல்வியடைய செய்து சர்ச்சையில் சிக்கிய தனியார் பள்ளி
சென்னை: அனைவருக்கும் கல்வி உரிமைச்சட்ட விதிமுறையை மீறி எல்.கே.ஜி படிக்கும் குழந்தையை தனியார் பள்ளி தோல்வியடைய செய்துள்ளது சர்ச்சையை கிளப்பியுள்ளது.
LKG
இது குறித்து சென்னையில் செய்தியாளர்களிடம் பேசிய குழந்தையின் பெற்றோர், மற்ற குழந்தைகளை போலவே தங்கள் குழந்தையும் நன்றாக படித்துவருகிறது. இந்நிலையில் வேண்டுமென்றே எங்கள் குழந்தையை பள்ளி நிர்வாகம் தோல்வி அடைய செய்திருக்கிறது.
மேலும் குழந்தைக்காக தாங்கள் செலுத்திய பள்ளி கட்டணமான 65 ஆயிரம் ரூபாயினை பள்ளி நிர்வாகம் திரும்ப அளிக்க வேண்டும் என வலியுறுத்தியுள்ளனர். மேலும் இது போன்ற பள்ளிகள் மீது கடும் நடவடிக்கை எடுக்க வேண்டும் எனவும் கூறினர்.