7 மாவட்டங்களில் பள்ளிகளுக்கு விடுமுறை!

வடகிழக்கு பருவமழை காரணமாக தமிழ்நாட்டில் 7 மாவட்டங்களில் இன்று பள்ளிகளுக்கு விடுமுறை அளிக்கப்பட்டுள்ளது.

வடகிழக்கு பருவமழை காரணமாக கனமழை பெய்து வருவதால் தமிழ்நாட்டில் பல்வேறு மாவட்டங்களில் இன்று (அக் 29) பள்ளிகளுக்கு விடுமுறை அளிக்கப்பட்டுள்ளது.

அந்த வகையில் தஞ்சாவூர், திருச்சி, திருநெல்வேலி, தூத்துக்குடி, திருவாரூர், நாகப்பட்டினம், மயிலாடுதுறை ஆகிய 7 மாவட்டங்களில் பள்ளிகளுக்கு விடுமுறை என அம்மாவட்ட ஆட்சியர்கள் அறிவித்துள்ளனர்.

மேலும் புதுச்சேரி மாநிலத்தின் காரைக்கால் மாவட்டத்திலும் பள்ளிகளுக்கு விடுமுறை என அறிவிக்கப்பட்டுள்ளது.