குழந்தைகளுக்கு வைட்டமின் ஏ திரவம் வழங்கும் திட்டம் தொடக்கம்!

அரியலூர்: குழந்தைகளுக்கு வைட்டமின் ஏ திரவம் வழங்கும் திட்டத்தை அரசு தலைமை கொறடா தொடங்கிவைத்தார்.

அரியலூர் மாவட்ட ஆட்சியர் அலுவலகத்தில் மாவட்ட சுகாதாரத்துறை மூலம் ஆறு மாதம் முதல் ஐந்து வயது வரை உள்ள 57 ஆயிரத்து 165 குழந்தைகளுக்கு வைட்டமின் ஏ திரவம் வழங்கும் திட்டத்தை அரசு தலைமை கொறடா தாமரை ராஜேந்திரன், மாவட்ட ஆட்சியர் ரத்னா ஆகியோர் தொடங்கிவைத்தனர்.

வைட்டமின் ஏ திரவமானது 39 ஆரம்ப சுகாதார நிலையங்கள் மற்றும் அங்கன்வாடி மூலமாக குழந்தைகளுக்கு கொடுக்கப்பட உள்ளது.

பின்னர் ஊரக உள்ளாட்சி பணியாளர்களுக்கு பாதுகாப்பு உபகரணங்களையும் வழங்கினார். அனைத்து குழந்தைகளும் தவறாது வைட்டமின் ஏ சத்தை எடுத்துக் கொள்ளுமாறு மாவட்ட ஆட்சியர் அறிவுறுத்தினார்.