கொரோனா வைரஸ்: அரியலூரில் விழிப்புணர்வுப் பேரணி

அரியலூர்: கொரோனா தொற்று பரவுவதைத் தடுக்க அரசு மருத்துவமனை சார்பில் விழிப்புணர்வுப் பேரணி நடைபெற்றது.

அரியலூர் அரசு தலைமை மருத்துவமனை சார்பில் கொரோனா விழிப்புணர்வுப் பேரணி நடைபெற்றது. இதனை மாவட்ட ஆட்சியர் ரத்னா தொடங்கிவைத்தார். இந்தப் பேரணியில் மாணவ, மாணவியருக்கு விழிப்புணர்வு ஏற்படுத்தப்பட்டது.

பின்னர், தொடர்ச்சியான இருமலுக்கு மருத்துவரை அணுக வேண்டும், அடிக்கடி கை கழுவ வேண்டும் போன்ற விழிப்புணர்வு வசனங்கள் தாங்கிய பதாகைகளுடன் பேரணி தொடங்கியது.

இந்தப் பேரணி, அரசு தலைமை மருத்துவமனையில் தொடங்கி, நகரின் முக்கிய வீதிகள் வழியாகச் சென்று பேருந்து நிலையத்தில் முடிவடைந்தது. இதில், திரளான பள்ளி மாணவ, மாணவிகள் பங்கேற்றனர்.

இதையும் படிங்க: ஹோலி: மத்திய தொழில் பாதுகாப்புப் படை வீரர்கள் வண்ணம் பூசி கொண்டாட்டம்