டோக்கியோ:மாற்றுத் திறனாளிகள் பங்கேற்கும் பாரா ஒலிம்பிக் தொடர் ஆகஸ்ட் 24ஆம் தேதி தொடங்கியது. வரும் செப்டம்பர் 5ஆம் தேதிவரை நடைபெற உள்ள தொடரில், இந்தியா சார்பில் மொத்தம் 54 வீரர்கள் பங்கேற்றுள்ளனர்.
இந்நிலையில், வில்வித்தை போட்டியில் ஆடவர் தனிநபர் தகுதிச்சுற்று போட்டிகள் இன்று (ஆக. 27) நடைபெற்றது. இதில், இந்திய வீரர்கள் ராகேஷ் குமார், ஸ்யாம் சுந்தர் சாமி ஆகியோர் பங்கேற்றனர்.
இரண்டாம் பாதியில் பாய்ச்சல்
முதல் பாதியில், ராகேஷ் குமார் 8ஆவது இடத்திலும், ஷியாம் சுந்தர் 26ஆவது இடத்தையும் பிடித்தனர். பின்னர் இரண்டாம் பாதியில், ராகேஷ் அடுத்தடுத்து பெரும் புள்ளிகளை பெற்றி முன்னேறினார்.