டோக்கியோ: ஒலிம்பிக் போட்டிகள் 9ஆவது நாளான இன்று, இந்திய வீரர், வீராங்கனைகளின் ஆட்டம் பெரும் எதிர்பார்ப்பை கிளப்பியுள்ளது
இன்றையப் போட்டிகளில் விளையாடும் விளையாட்டு வீரர், வீராங்கனைகளின் விவரம்
அதானு தாஸ் - வில்வித்தை
டோக்கியோ ஒலிம்பிக் போட்டியின் ஆடவர் ஒற்றையர் வில்வித்தை போட்டியில் இந்தியாவின் வீரர் அதானு தாஸ், தென் கொரியாவின் ஓ ஜின்-ஹைக்கை 6-5 என்ற கணக்கில் வீழ்த்தி வெற்றி பெற்றார். இதையடுத்து வில்வித்தை ஆடவர் ஒற்றையர் பிரிவின் காலிறுதிக்கு முந்தைய சுற்றுக்கு தகுதி பெற்ற, இன்று ஜப்பான் நாட்டு வீரரை எதிர்கொள்கிறார்.
பூஜா ராணி - குத்துச்சண்டை
பெண்களுக்கான 69-75 கிலோ எடைப்பிரிவில் காலிறுதிக்கு முந்தைய சுற்று ஆட்டத்தில் இந்திய வீராங்கனை பூஜா ராணி, அல்ஜிரியா வீராங்கனை இச்ராக் சாய்ப்புடன் மோதினார். சிறப்பான ஆட்டத்தை வெளிப்படுத்திய பூஜா ராணி, அல்ஜிரியா வீராங்கனை இச்ராக் சாய்ப்பை 5-0 என்ற கணக்கில் வீழ்த்தி காலிறுதி சுற்றுக்கு முன்னேறியுள்ளார். இன்று காலிறுதி சுற்றில் சீன வீராங்கனையுடன் மோதுகிறார்.
அமித் பங்கல் - குத்துச்சண்டை
ஆடவர் பிளைவெயிட் ரவுண்ட் ஆப் 16 போட்டியில் கொலம்பியாவின் யூபர்ஜென் ஹெர்னி மார்டினெஸ் ரிவாஸுடன் மோதுகிறார்.
பிவி சிந்து - இறகுபந்து
சிந்து ஜப்பான் வீராங்கனையை 21-13, 22-20 என்ற கணக்கில் வென்றார். இதன்மூலம் அவர் ஒலிம்பிக் ஒற்றையர் அரையிறுதிக்குள் நுழைந்தார். இன்றைய அரையிறுதி போட்டியில், சீன வீராங்கனையை எதிர்கொள்கிறார்.
