டோக்கியோ:91 கிலோ எடைக்கு அதிகமான குத்துச்சண்டை பிரிவில் 32 வயதான இந்திய வீரர் சதீஷ் குமார் ஜமைக்கா வீரர் ரிகாா்டோ பிரவுனை 4-1 என்ற கணக்கில் வீழ்த்தி காலிறுதி சுற்றுக்கு முன்னேறினார்.
டோக்கியோ ஒலிம்பிக்கின் 10ஆவது நாளான இன்று (ஆகஸ்ட்1) சதீஷ் குமார், உஸ்பெகிஸ்தானின் பகோதிர் ஜலோலோவுடன் மோதினார். நடப்பு உலக மற்றும் ஆசிய சாம்பியனான பகோதிர், 0-5 என்ற கணக்கில் சதீஷ் குமாரை வீழ்த்தினார்.
குத்துச்சண்டையில் இந்தியாவின் நம்பிக்கை நட்சத்திரமாக இருந்த மேரி கோம், மகளிர் 51 கிலோ பிரிவில் காலிறுதிக்கு முந்தைய சுற்றில் தோற்று வெளியேறினார்.
இந்நிலையில் காலிறுதிக்கு முன்னேறி எதிர்ப்பார்ப்பைக் கூட்டிய சதீஷ் குமாரும் தோல்வியைத் தழுவி அதிர்ச்சி அளித்துள்ளார். இதற்கு முன் இந்திய ஓபன் குத்துச்சண்டையின்போதும் பகோதிரிடம் சதீஷ் தோல்வியை தழுவியிருந்தார் என்பது குறிப்பிடத்தக்கது.
இதையும் படிங்க: எனக்கு அளிக்கப்பட்ட முடிவு மோசடியானது - மேரி கோம்