டெல்லி : ஒலிம்பிக் தடகளத்தில் நாட்டின் 120 ஆண்டுகால காத்திருப்பை தங்கம் வென்று பூர்த்தி செய்தார் நீரஜ் சோப்ரா.
ஆடவர் ஈட்டி எறிதல் பிரிவில் சிறப்பான ஆட்டத்தை வெளிப்படுத்திய நீரஜ் சோப்ரா தங்கத்தை தனதாக்கினார். அவருக்கு பிரதமர் உள்பட பல்வேறு தரப்பினரும் வாழ்த்துகளை தெரிவித்துவருகின்றனர்.
பாதுகாப்புத் துறை அமைச்சர் ராஜ்நாத் சிங் ட்விட்டரில் வெளியிட்டுள்ள வாழ்த்துச் செய்தியில், “சுபேதார் நீரஜ் சோப்ரா தனது தங்க வெற்றி மூலம் இந்திய ராணுவத்துக்கு பெருமை சேர்த்துள்ளார். ஒலிம்பிக் ஈட்டி எறிதலில் அவர் ஒரு உண்மையான வீரனை போல் போராடினார். தனது வெற்றியின் மூலம் அவர் இந்திய ஆயுதப் படை மட்டுமின்றி ஒட்டுமொத்த நாட்டுக்கும் பெருமை சேர்த்துள்ளார். அவருக்கு வாழ்த்துகள்” எனத் தெரிவித்துள்ளார்.