வியன்னா ஓபன் டென்னிஸ்: 5 முறையாக சாம்பியன் பட்டத்தைக் கைப்பற்றினார் ரூபெலேவ்!

வியன்னா ஓபன் டென்னிஸ் தொடரின் இறுதிச்சுற்று ஆட்டத்தில் ரஷ்யாவின் ஆண்ட்ரே ரூபெலேவ் ஐந்தாவது முறையாக சாம்பியன் பட்டம் வென்று அசத்தினார்.

உள்ளரங்கு விளையாட்டுத் தொடரான வியன்னா ஓபன் டென்னிஸ் தொடரின் இறுதிப்போட்டி இன்று நடைபெற்றது. இதில் ரஷ்யாவின் நட்சத்திர வீரர் அண்ட்ரே ரூபெலேவ், இத்தாலியின் லோரென்சோ சோனெகோவை எதிர்கொண்டார்.

தொடக்கம் முதலே விறுவிறுப்பாக நடைபெற்ற இப்போட்டின் முதல் செட்டை ரூபெலேவ் 6-4 என்ற கணக்கில் கைப்பற்றி அசத்தினார். அதனைத் தொடர்ந்து நடைபெற்ற இரண்டாவது செட் ஆட்டத்திலும் சிறப்பான ஆட்டத்தை வெளிப்படுத்திய ரூபெலேவ் 6-4 என்ற கணக்கில் அதனையும் கைப்பற்றி அசத்தினார்.

இதன் மூலம் வியன்னா ஓபன் டென்னிஸ் தொடரின் இறுதிச் சுற்றில் ஆண்ட்ரே ரூபெலேவ் 6-4, 6-4 என்ற நேர் செட் கணக்கில் இத்தாலியில் லோரென்சோ சோனெகோவை வீழ்த்தி ஐந்தாவது முறையாக சாம்பியன் பட்டத்தைக் கைப்பற்றினார்.

இப்போட்டியில் சாம்பியன் பட்டம் வென்ற ரூபெலேவ்விற்கு பரிசுத் தொகையாக ரூ.1 கோடியும், லோரென்சோவிற்கு ரூ.75 லட்சமும் வழங்கப்பட்டது.

இதையும் படிங்க:மீண்டும் அசத்திய கெய்க்வாட்; பாஞ்சாப்பின் பிளே ஆஃப் கனவை தகர்த்தது சிஎஸ்கே!