ரோஜர்ஸ் கோப்பையில் உலகின் முதல்நிலை வீராங்கனை ஆஷ்லே தோல்வி!

கனடா: ரோஜர்ஸ் கோப்பை டென்னிஸ் போட்டியில் உலகின் முதல்நிலை வீராங்கனையான ஆஸ்திரேலியாவின் ஆஷ்லே பார்டி, அமெரிக்காவின் சோபியா கெனினியிடம் தோல்வியடைந்தார்.

2019ஆம் ஆண்டிற்கான ரோஜர்ஸ் கோப்பை டென்னிஸ் போட்டிகள் கனடாவில் நடைபெற்று வருகின்றன. இதில் நேற்று நடைபெற்ற 32ஆவது சுற்றில், உலகின் முதல் நிலை வீராங்கனையான ஆஷ்லே பார்டியும், அமெரிக்காவின் சோபியா கெனினும் மோதினர்.

விருவிருப்பான இந்த ஆட்டத்தின் முதல் செட்டை 7-6 என்ற கணக்கில் ஆஷ்லே வென்றார். அதன்பின் தனது அபார ஆட்டத்தை வெளிப்படுத்திய கெனின், இரண்டாவது செட்டை 6-3 என்ற கணக்கில் வெற்றி பெற்றார்.

பின்னர் மூன்றாவது செட்டையும் 6-4 என்ற கணக்கில் வெற்றி பெற்று சோபியா கெனின் உலகின் நம்பர் ஒன் வீரங்கனையான ஆஷ்லே பார்டிக்கு அதிர்ச்சியளித்தார்.

இதன் மூலம் 6-7, 6-3, 6-4 என்ற நேர் செட்கணக்கில் ஆஷ்லே பார்டியை வீழ்த்தி அடுத்த சுற்றிற்கு தகுதி பெற்றார் சோபியா கெனின்.