கத்தார் ஓபன்: அரையிறுதிச்சுற்றில் சானியா இணை!

கத்தார் ஓபன் டென்னிஸ் தொடரின் மகளிர் இரட்டையர் பிரிவு அரையிறுதிச் சுற்று போட்டிக்கு இந்தியாவின் சானியா மிர்ஸா, ஆண்ட்ரேஜா க்ளெபாஸ் இணை முன்னேறிவுள்ளது.

கத்தார் ஓபன் டென்னிஸ் தொடர் அந்நாட்டின் தலைநகர் தோஹாவில் நடைபெற்று வருகிறது. இத்தொடரில் நேற்று (மார்ச் 3) நடைபெற்ற மகளிர் இரட்டையர் பிரிவு காலிறுதிச்சுற்று போட்டியில் இந்தியாவின் சானியா மிர்ஸா, ஸ்லோவேனியாவின் ஆண்ட்ரேஜா க்ளெபாஸ் இணை - ரஷ்யாவின் அண்ணா பிளிங்கோவா, கனடாவின் கேப்ரியல் டப்ரோவ்ஸ்கி இணையுடன் மோதியது.

பரபரப்பான இப்போட்டின் ஆரம்பம் முதலே சிறப்பான ஆட்டத்தை வெளிப்படுத்திய சானியா மிர்ஸா இணை முதல் செட்டை 6- 2 என்ற கணக்கில் கைப்பற்றி அசத்தியது.

தொடர்ந்து அபார ஆட்டத்தை வெளிப்படுத்திய சானியா மிர்ஸா இணை இரண்டாவது செட்டை 6-0 என்ற கணக்கில் கைப்பற்றி பிளிங்கோவா இணைக்கு அதிர்ச்சியளித்தது.

இதன் மூலம் சானியா மிர்ஸா இணை 6-2, 6-0 என்ற நேர் செட் கணக்கில் பிளிங்கோவா இணையை வீழ்த்தி கத்தார் ஓபன் டென்னிஸ் தொடரின் அரையிறுதிச்சுற்றுக்கு முன்னேறி அசத்தியுள்ளது.

இதையும் படிங்க:கரோனா தடுப்பூசி செலுத்திக் கொண்ட கபில் தேவ்!