அமெரிக்காவில் இந்தியன் வெல்ஸ் மாஸ்டர்ஸ் ஏடிபி டென்னிஸ் தொடர் நடைபெற்று வருகிறது. இதன் இரண்டாவது சுற்றில் நிக்கோலஸை வீழ்த்தி இந்திய வீரர் பிரஜ்னேஷ் மூன்றாவது சுற்றுக்கு முன்னேறினார்.
இதனையடுத்து இன்று நடைபெற்ற மூன்றாவது சுற்றில், குரேஷிய வீரர் கர்லோவிக்கை எதிர்த்து ஆடினார். இந்தப் போட்டியில், தொடக்கம் முதலே ஆதிக்கம் செலுத்திய குரேஷிய வீரர் கர்லோவிக், 6-3 என்ற கணக்கில் முதல் செட்டைக் கைப்பற்றினார்.
தொடர்ந்து ஆடிய இந்தியாவின் பிரஜ்னேஷ் முழுமுயற்சியுடன் போராடி 7-6 என்ற கணக்கில் இரண்டாவது செட்டை இழக்க, கர்லோவிக் வெற்றிப் பெற்று அடுத்தச் சுற்றுக்கு முன்னேறினார். இந்த ஆட்டம் ஒரு மணி நேரம் 13 நிமிடங்கள் வரை நீடித்தது.
தோல்வி குறித்து பிரஞ்னேஷ் பேசுகையில், கர்லோவிக்கின் சர்வ்-களை திருப்பி அனுப்புவது கடினமாக இருந்தது. இரண்டாவது செட்டைக் கைப்பற்றுவதற்கு சில வாய்ப்புகள் அமைந்ததை நான் தவறவிட்டேன். இந்த தொடர் மனதளவில் எனக்கு சிறப்பாக அமைந்தது எனத் தெரிவித்தார்