பிரெஞ்சு ஓபன்: அரையிறுதிச் சுற்றில் நடால்!

பிரெஞ்சு ஓபன் காலிறுதிச்சுற்று ஆட்டத்தில் உலகின் முன்னணி வீரர் ரஃபேல் நடால் வெற்றிபெற்று 13ஆவது முறையாக இத்தொடரின் அரையிறுதிச் சுற்றுக்கு முன்னேறி அசத்தியுள்ளார்.

பரபரப்பாக நடைபெற்றுவரும் பிரெஞ்சு ஓபன் டென்னிஸ் தொடர் தற்போது இறுதி கட்டத்தை நெருங்கியுள்ளது. இதில் இன்று (அக். 07) நடைபெற்ற ஆடவர் ஒற்றையர் பிரிவு காலிறுதிச் சுற்று ஆட்டத்தில் உலகின் முன்னணி வீரர் ஸ்பெயினின் ரஃபேல் நடால், இத்தாலியின் ஜானிக் சின்னரை எதிர்கொண்டார்.

அதிரடியான ஆட்டத்தை வெளிப்படுத்திவந்த நடால் முதல் செட்டை 7-6 என டைபிரேக்கர் முறையில் கைப்பற்றி அசத்தினார். தொடர்ந்து சிறப்பாகச் செயல்பட்ட நடால் இரண்டாவது செட்டை 6-4 என்ற கணக்கிலும், மூன்றாவது செட்டை 6-1 என்ற கணக்கிலும் கைப்பற்றி சின்னருக்கு அதிர்ச்சியளித்தார்.

இதன்மூலம் பிரெஞ்சு ஓபன் டென்னிஸ் தொடரின் காலிறுதிச் சுற்றில் ரஃபேல் நடால் 7-6, 6-4, 6-1 என்ற செட் கணக்கில் இத்தாலியின் ஜானிக் சின்னரை வீழ்த்தி, 13ஆவது முறையாக அரையிறுதிச்சுற்றுக்கு முன்னேறி அசத்தியுள்ளார்.

இதையும் படிங்க:ஐபிஎல் 2020: ராஜஸ்தானை வீழ்த்தி மும்பை அபார வெற்றி!