மியாமி ஓபன் டென்னிஸ்: அரையிறுதிக்கு முன்னேறிய பிளிஸ்கோவா!

மியாமி ஓபன் டென்னிஸ் தொடரின் பெண்கள் ஒற்றையர் பிரிவு காலிறுதி சுற்றில், மார்க்கேடாவை வீழ்த்தி நட்சத்திர வீராங்கனை பிளிஸ்கோவா அரையிறுதிக்கு தகுதிப் பெற்றுள்ளார்.

2019ஆம் ஆண்டுக்கான மியாமி ஓபன் டென்னிஸ் தொடர் ப்ளோரிடாவில் நடைபெற்று வருகிறது. இதன் பெண்கள் ஒற்றையர் பிரிவின் காலிறுதி சுற்றில் செக் குடியரசின் நட்சத்திர வீராங்கனை பிளிஸ்கோவாவை எதிர்த்து மார்க்கேடா மோதினார்.

தொடக்கம் முதலே ஆதிக்கம் செலுத்திய பிளிஸ்கோவா முதல் செட்டை 6-3 எனக் கைப்பற்ற, இரண்டாவது செட்டை 6-4 என்ற நேர் செட்களில் அதிரடியாக வென்று அரையிறுதிக்கு தகுதி பெற்றார். இந்த ஆட்டம் 80 நிமிடங்கள் வரை நீடித்தது.

நாளை நடைபெறும் அரையிறுதி ஆட்டத்தில் ரோமேனிய நட்சத்திர வீராங்கனை சிமோனா ஹெலப்பை எதிர்த்து பிளிஸ்கோவா மோதவுள்ளார்.