சின்சினாட்டி மாஸ்டர்ஸ்: கிர்கியோஸை வீழ்த்திய கச்சனோவ்!

சின்சினாட்டி மாஸ்டர்ஸ் டென்னிஸ் போட்டியில் நிக் கிர்கியோஸை வீழ்த்தி, கரேன் கச்சனோவ் வெற்றிபெற்று அடுத்த சுற்றுக்கு முன்னேறியுள்ளார்.

அமெரிக்காவில் நடைபெற்றுவரும் சின்சினாட்டி மாஸ்டர்ஸ் ஆடவர் ஒற்றையர் பிரிவு டென்னிஸ் போட்டியில் ரஷ்யாவின் கச்சனோவ்வும், ஆஸ்திரேலியாவின் கிர்கியோஸும் மோதினர்.

ஆரம்பத்தில் அதிரடியாக ஆடிய கிர்கியோஸ், 7-6 என்ற நேர்செட் கணக்கில் கச்சனோவ்வாவை வீழ்த்தினார். அதன் பின் தனது இயல்பான ஆட்டத்தை வெளிபடுத்திய கச்சனோவ் 7-6 என்ற செட்கணக்கில் இரண்டாவது செட்டை கைப்பற்றினார்.

பின்னர் மூன்றாவது செட்டில் கிர்கியோஸை 2-6 என்ற செட்கணக்கில் வீழ்த்தினர் கச்சனோவ். இதன் மூலம் அவர் அடுத்த சுற்றுக்கு முன்னேறியுள்ளார்.