எட்டு நாடுகளுக்கிடையே நடக்கும் மகளிருக்கான ஃபெட் கோப்பை டென்னிஸ் தொடர் நடந்துவருகிறது. இதன் நேற்றையப் போட்டியில் இந்திய அணி கொரியாவை எதிர்கொண்டது.
இதன் ஒற்றையர் பிரிவு போட்டியில் இந்தியாவின் ரிதுஜா போஸ்லேவும், கொரியாவின் நா-லே ஹானும் வெற்றிபெற்று தலா ஒரு புள்ளிகளுடன் இருந்தனர். இதையடுத்து வெற்றிபெற வேண்டிய கட்டாயத்தில் இந்தியாவின் சானியா மிர்சா - அன்கித் ரெய்னா இணை களமிறங்கியது.
இந்திய இணையை எதிர்த்து கொரியாவின் னா-லே ஹான் - நான் ரி கிம் இணை ஆடியது. இந்த ஆட்டத்தின் தொடக்கம் முதலே சிறப்பாக ஆடிய இந்திய இணை 6-4, 6-4 என்ற நேர் செட்களில் வெற்றிபெற்றது.
இதனால் 2-1 என்ற கணக்கில் இந்திய அணி கொரியாவை வீழ்த்தியதோடு, புள்ளிப்பட்டியலில் இரண்டாவது இடத்திற்கும் முன்னேறியது.
இதையும் படிங்க:4 மாதத்தில் 26 கிலோ எடையைக் குறைத்தது எப்படி? வைரலாகும் சானியா மிர்சாவின் வீடியோ!
