அஸ்தானா ஓபன்: காலிறுதி சுற்றுக்கு முன்னேறிய திவிஜ் ஷரண் இணை!

அஸ்தானா ஓபன் டென்னிஸ் தொடரின் ஆடவர் இரட்டையர் பிரிவு நான்காம் சுற்று ஆட்டத்தில் இந்தியாவின் திவிஜ் ஷரண், இங்கிலாந்தின் லூக் பாம்ப்ரிட்ஜ் இணை வெற்றி பெற்று காலிறுதி சுற்றுக்கு முன்னேறியுள்ளது.

சர்வதேச டென்னிஸ் கூட்டமைப்பு சார்பில் அஸ்தானா ஓபன் 2020 டென்னிஸ் தொடர் கஜகஸ்தான் நாட்டில் நடைபெற்று வருகிறது. இத்தொடரில் இன்று (அக்.28) நடைபெற்ற ஆடவர் இரட்டையர் பிரிவு நான்காம் சுற்று ஆட்டத்தில் இந்தியாவின் திவிஜ் ஷரண் - லூக் பாம்ப்ரிட்ஜ் இணை, உக்ரைனின் ஏரியல் பெஹர்-கோன்சலோ எஸ்கோபார் இணையுடன் மோதியது.

பரபரப்பாக நடைபெற்ற இப்போட்டியின் முதல் செட்டை ஷரண் இணை 7-5 என்ற கணகில் கைப்பற்றி அசத்தியது. இதையடுத்து நடைபெற்ற இரண்டாவது செட் ஆட்டத்தில் பெஹர் இணை 6-4 என்ற கணக்கில் கைப்பற்றி ஆட்டத்தில் பரபரப்பை ஏற்படுத்தியது.

பின்னர் நடைபெற்ற ஆட்டத்தில் சிறப்பாக செயல்பட்ட ஷரண் இணை அசத்தலான ஆட்டத்தை வெளிப்படுத்தி 10-6 என்ற கணக்கில் மூன்றாவது செட்டைக் கைப்பற்றி பெஹர் இணைக்கு அதிர்ச்சியளித்தது.

இதன் மூலம் அஸ்தானா ஓபன் டென்னிஸ் தொடரின் நான்காம் சுற்று ஆட்டத்தில் ஷரண் இணை 7-5, 6-4, 10-6 என்ற செட் கணக்கில் பெஹர் இணையை வீழ்த்தி காலிறுதி சுற்றுக்கு முன்னேறி அசத்தியுள்ளது.

இதையும் படிங்க:பயிற்சிக்கு திரும்பிய ஹாக்கி வீரர்கள்!