நடால், ஃபெடரர், ஜோகோவிச் ஆகியோரை வீழ்த்த இவரால் முடியும்: டாட் உட்பிரிட்ஜ்

சிட்னி: நடால், ஃபெடரர், ஜோகோவிச் ஆகிய மூவரையும் வீழ்த்த ரஷ்ய வீரர் டேனில் மெத்வதேவால் முடியும் என ஆஸ்திரேலிய முன்னாள் வீரர் டாட் உட்பிரிட்ஜ் கூறியுள்ளார்.

வரும் ஜனவரி மாதம் கிராண்ட்ஸ்லாம் தொடர்களில் முக்கிய ஒன்றான ஆஸ்திரேலிய ஓபன் டென்னிஸ் தொடர் தொடங்கவுள்ளது. இதற்காக பிரபல டென்னிஸ் வீரர்களான ரஃபேல் நடால், ரோஜர் ஃபெடரர், நோவக் ஜோகாவிச் ஆகியோர் தயாராகிவருகின்றனர். இவர்களுக்கு சவாலளிக்கும் விதமாக இளம் வீரர்களான சிட்சிபாஸ், டேனில் மெத்வதேவ் ஆகியோரும் தயாராகின்றனர்.

இந்நிலையில் ஆஸ்திரேலிய ஓபன் தொடர் குறித்து முன்னாள் ஆஸ்திரேலிய வீரர் டாட் உட்பிரிட்ஜ் பேசியுள்ளார். அதில், 23 வயதாகும் ரஷ்ய வீரர் டேனில் மெத்வதேவ் மூன்று ஜாம்பவான்களான நடால், ஃபெடரர், ஜோகோவிச் ஆகியோரை வீழ்த்தி, நிச்சயம் தனது முதல் கிராண்ட்ஸ்லாம் பட்டத்தை கைப்பற்றுவார் என எதிர்பார்க்கிறேன்.

அமெரிக்க ஓபன் தொடரில் இறுதியில் மெத்வதேவ் ஆடிய ஆட்டம் நிச்சயம் பாராட்டப்பட வேண்டியது. இம்முறை இறுதிப் போட்டியில் வெல்வார் எனத் தெரிவித்துள்ளார்.

இதையும் படிங்க: ஜோகோவிச்சுக்கு ஹெட்டிங் சொல்லித்தந்த ரொனால்டோ!