#chinaopen2019: 'அனல் பறக்க வைத்த ஆண்டி முர்ரே, திணறடித்த தீம்' - அடுத்த சுற்றுக்கு முன்னேற்றம்!

பெய்ஜிங்: சீனா ஓபன் டென்னிஸ் தொடரின் ஆடவர் ஒற்றையர் பிரிவு லீக் ஆட்டத்தில் நட்சத்திர வீரர்கள் ஆண்டி முர்ரே, டொமினிக் தீம் வெற்றி பெற்று அடுத்த சுற்றுக்கு முன்னேறியுள்ளனர்.

சீனா ஓபன் டென்னிஸ் தொடர் சீனாவின் தலைநகரமான பெய்ஜிங்கில் நடைபெற்று வருகிறது. இதில் இன்று ஆடவர் ஒற்றையர் பிரிவு லீக் ஆட்டத்தில் நட்சத்திர வீரரான பிரிட்டனின் ஆண்டி முர்ரே இத்தாலியின் மேட்டியோ பெரெட்டினியை எதிர்கொண்டார்.

பரபரப்பான இந்த போட்டியில் ஆண்டி முர்ரே 7-6, 7-6 என்ற நேர் செட்கணக்கில் மேட்டியோ பெரெட்டினியை வீழ்த்தி சீனா ஓபன் டென்னிஸ் தொடரின் அடுத்த சுற்றுக்கு முன்னேறியுள்ளார்.

இன்று நடைபெற்ற மற்றொரு ஆடவர் ஒற்றையர் போட்டியில் ஆஸ்திரியாவின் டொமினிக் தீம்; பிரான்சின் ரிச்சர்ட் கேஸ்கெட்டை எதிர் கொண்டார்.

விறுவிறுப்பான இந்த போட்டியில் தீம் முதல் செட்டை 6-4 என்ற கணக்கில் கேஸ்கட்டிடமிருந்து கைப்பற்றினார். அதன் பின்னர் ஆட்டத்தின் இரண்டாவது செட்டையும் 6-1 என்ற கணக்கில் கைப்பற்றி, தீம் கேஸ்கட்டை வீழ்த்தினார்.

இதன் மூலம் டொமினிக் தீம் 6-4, 6-1 என்ற நேர் செட் கணக்கில் ரிச்சர்ட் கேஸ்கெட்டை வீழ்த்தி சீனா ஓபன் டென்னிஸ் தொடரின் அடுத்த சுற்றுக்கு முன்னேறியுள்ளார்.

இதையும் படிங்க: பெலிண்டா பென்சிக்கிடம் அதிர்ச்சித் தோல்வியடைந்த வீனஸ் வில்லியம்ஸ்!