ஷாங்காய் மாஸ்டர்ஸ் டென்னிஸ்: இரண்டாவது சுற்றுக்கு முன்னேறிய ஆண்டி முர்ரே!

ஷாங்காய்: ஷாங்காய் மாஸ்டர்ஸ் ஓபன் டென்னிஸ் தொடரின் முதல் சுற்றுப் போட்டியில் அர்ஜெண்டின வீரர் ஜுவனை வீழ்த்தி நட்சத்திர வீரர் ஆண்டி முர்ரே இரண்டாவது சுற்றுக்கு முன்னேறினார்.

ஷாங்காய் மாஸ்டர்ஸ் டென்னிஸ் தொடர் ஷாங்காயில் நடைபெற்றுவருகிறது. இதன் முதல் சுற்றுப் போட்டியில் நட்சத்திர வீரர் ஆண்டி முர்ரேவை எதிர்த்து அர்ஜெண்டின வீரர் ஜுவன் மோதினார்.

இந்தப் போட்டியின் முதல் செட்டை யாரும் எதிர்பார்க்காதவாறு, 2-6 என அர்ஹெண்டினா வீரர் ஜுவன் வெல்ல, ஆட்டத்தில் பரபரப்பு ஏற்பட்டது. இதையடுத்து நடைபெற்ற இரண்டாவது செட் ஆட்டத்தில் ஆக்ரோஷமாக ஆடிய முர்ரே 6-2 என்ற கணக்கில் வென்றார்.

இதையடுத்து வெற்றியாளரை தீர்மானிக்கும் மூன்றாவது செட் ஆட்டத்தில், அதிரடியாக ஆடிய ஆண்டி முர்ரே 6-3 என எளிதாக வெற்றிபெற்று இரண்டாவது சுற்றுக்குத் தகுதி பெற்றார்.

இதையும் படிக்கலாமே: 'கட்டுனா அவளைக் கட்டணும்டா' - பி.வி.சிந்துவுக்காக மீண்டும் காதல் மனு அளித்த முதியவர்!