துபாய்: டி20 உலக கோப்பை தொடரின் சூப்பர் 12 சுற்றில் நேற்று (அக். 28) நடைபெற்ற ஆட்டத்தில் இலங்கை - ஆஸ்திரேலியா அணிகள் மோதின.
துபாய் சர்வதேச மைதானத்தில் நடைபெற்ற இந்தப் போட்டியில், டாஸ் வென்ற ஆஸ்திரேலிய அணி பந்துவீச்சை தேர்வு செய்தது.
இலங்கை நிதானம்
அதன்படி முதலில் பேட்டிங் செய்த இலங்கை அணி 20 ஓவர்களில் 6 விக்கெட்டுகளை இழந்து 154 ரன்களை எடுத்தது. அந்த அணியில் அதிகபட்சமாக குஷால் பெரேரா, அசலங்கா ஆகியோர் தலா 35 ரன்களைச் சேர்த்தனர். ஆஸ்திரேலிய அணி சார்பில் ஸ்டார்க், கம்மின்னிஸ், ஸாம்பா ஆகியோர் தலா 2 விக்கெட்டுகளை வீழ்த்தினர்.
அசால்ட் தொடக்கம்
157 ரன்கள் என்ற வெற்றி இலக்குடன் களமிறங்கிய ஆஸ்திரேலிய அணிக்கு வார்னர் - ஃபின்ச் ஜோடி சிறப்பான தொடக்கத்தை அளித்தது. இந்த ஜோடி முதல் விக்கெட் பார்ட்னர்ஷிப்பிற்கு 60 ரன்களை சேர்த்தது. இதையடுத்து ஃபின்ச் 37, ரன்களிலும், மேக்ஸ்வெல் 5 ரன்களிலும் அடுத்தடுத்து ஆட்டமிழந்தனர்.