#rugbyworldcup2019: 27 நாடுகளைக் கடந்து சைக்கிளில் வந்த முதல் போட்டிக்கான விசில்..!

ஜப்பானில் இன்று நடைபெறவுள்ள 2019-ஆம் ஆண்டிற்கான ரக்பி உகக்கோப்பை தொடரின் முதல் போட்டிக்கான விசிலை 27 நாடுகள் கடந்து சாகச சைக்கிள் ஓட்டுனர்கள் வழங்கினர்.

2019ஆம் ஆண்டிற்கான ரக்பி உலகக்கோப்பை போட்டிகள் இன்றுமுதல் ஜப்பான் நாட்டில் நடைபெறவுள்ளது. இதற்காக உலகின் சாகச சைக்கிள் ஓட்டுநர்களான ரான் ரட்லேண்ட் மற்றும் ஜேம்ஸ் ஓவன்ஸ் ஆகியோர் புதிய முறையில் ரக்பி உலகக்கோப்பையை துவக்கி வைத்தனர்.

இந்த இரு வீரர்களும் ரக்பி உலகக்கோப்பையின் முதல் போட்டிக்கான விசிலை லண்டனில் தொடங்கி 27 நாடுகள், 20,000 கிலோ மீட்டர்களை கடந்து உலகக்கோப்பை விசில் பயணத்தை முடித்தனர். மேலும் இவர்கள் 75,000 யூரோக்களை உலகக்கோப்பை தொண்டுக்காக திரட்டியுள்ளனர்.