ஃபார்முலா ஒன் கார் பந்தயமானது ஆண்டுதோறும் பல்வேறு சுற்றுகளாக நடத்தப்பட்டுவருகிறது. இந்நிலையில் இந்தத் தொடரின் அடுத்தச் சுற்று பந்தயம் இன்று ஹங்கேரியில் உள்ள ரேஸ் டிராக்கில் நடைபெறுகிறது.
இந்த ரேஸின் போல்-பொஷிசன்களுக்கான தகுதிச்சுற்றுப்போட்டிகள் நேற்று நடைபெற்றன. பெரும்பாலும் இந்த தகுதிச் சுற்றுப்போட்டிகளில் உலக சாம்பியனான லூயிஸ் ஹாமில்டனே முதலிடம் பிடிப்பார். ஆனால் யாரும் எதிர்பாராத விதமாக நேற்றைய தகுதிச்சுற்றின் முடிவில் கார்பந்தய ஓட்டுநர் மேக்ஸ் வெர்ஸ்டாப்பன் முதலிடம் பிடித்தார். ரெட்புல் அணியில் உள்ள இவர் பந்தய தூரத்தை ஒரு நிமிடம் 14.572 விநாடியில் கடந்து முதலிடம் பிடித்தார்.