63ஆவது தேசிய அளவிலான துப்பாக்கிச் சுடுதல் போட்டிகள் சீனியர், ஜூனியர் என இரு பிரிவுகளாக போபாலில் நடைபெற்றுவருகிறது. இதில், முதலில் ஜூனியர் மகளிர் தனிநபருக்கான 10 மீட்டர் ஏர் பிஸ்டல் பிரிவில் கலந்துகொண்ட இளம் நட்சத்திர வீராங்கனை மனு பக்கர் 241.5 புள்ளிகளை எடுத்து தங்கப்பதக்கத்தை தனதாக்கினார்.
ஜூனியர் பிரிவில் மட்டுமின்றி, சீனியர் மகளிர் பிரிவிலும் பங்கேற்ற இவர், 243 புள்ளிகளுடன் 243 புள்ளிகளுடன் முதலிடம் பிடித்து தங்கப்பதக்கம் வென்று அசத்தினார். இவரைத் தொடர்ந்து 237.8 புள்ளிகள் பெற்ற தேவான்ஷி தாமா வெள்ளிப்பதக்கமும் 217.7 புள்ளிகளுடன் யஷஷ்வினி சிங் தேஷ்வால் வெண்கலப்பதக்கமும் பெற்றனர்.