ஹாங்சோ :ஆசிய விளையாட்டு தொடரின் மகளிர் துப்பாக்கிச் சூடுதல் இந்திய மகளிர் அணி வெள்ளிப்பதக்கம் வென்றது. 50 மீட்டர் ரைபிள் மூன்றாம் நிலை பிரிவில் இந்திய மகளிர் அணி ஆயிரத்து 764 புள்ளிகள் பெற்று வெள்ளிப்பதக்கம் வென்றது.
இந்திய வீராங்கனைகள் சிப்ட் கவுர் சம்ரா, மனினி கவுசிக், ஆசி சவுக்சி அகியோர் வெள்ளிப்பதக்கம் வென்றனர். இதன் மூலம் ஆசிய விளையாட்டு தொடரில் இந்தியா கைப்பற்றிய 15வது பதக்கம் இது என்பது குறிப்பிடத்தக்கது. தனி வீராங்கனைகளுக்கான இறுதிப் போட்டிக்கு சிப்ட் கவுர் மற்றும் ஆசி சவுக்சி தகுதி பெற்று உள்ளனர்.