டோக்கியோ (ஜப்பான்): வரும் ஜூலை 23ஆம் தேதிமுதல் ஆகஸ்ட 8ஆம் தேதிவரை ஒலிம்பிக் தொடர் நடக்க இருக்கிறது. இந்தத் தொடரில் பங்கேற்கவுள்ள இந்திய துப்பாக்கிச் சுடுதல் அணி இன்று (ஜூலை 17) ஜப்பான் தலைநகர் டோக்கியோவில் உள்ள ஒலிம்பிக் கிராமத்திற்கு வந்து சேர்ந்தது. இந்தத் தகவலை இந்திய ஒலிம்பிக் கூட்டமைப்புத் தலைவர் நரிந்தர் பாத்ரா உறுதிப்படுத்தியுள்ளார்.
இந்திய துப்பாக்கிச் சுடுதல் வீரர்கள், இந்தாண்டு மே மாதம் முதல் குரேஷியாவில் பயிற்சிப் பெற்றுவந்தனர். மேலும், அங்கு சமீபத்தில் நடைபெற்ற ஐ.எஸ்.எஸ்.எஃப். உலகக்கோப்பைத் தொடரிலும் பங்கேற்றனர்.