டோக்கியோ ஒலிம்பிக் போட்டிக்குத் தகுதி பெற்று இருக்கும் 2ஆவது இந்திய நீச்சல் வீரர் ஸ்ரீஹரி நடராஜ். ஏற்கனவே கேரளாவை சேர்ந்த 27 வயதான சஜன் பிரகாஷ் 200 மீட்டர் பட்டர்பிளை பந்தயத்தில் தகுதி பெற்று சாதித்துள்ளார்.
இந்நிலையில், இந்திய நீச்சல் வீரர் ஸ்ரீஹரி நடராஜ் தான் கடந்து வந்த பாதையை நமது ஈடிவி பாரத்துடன் பகிர்ந்து கொண்டார்.
அவர் கூறுகையில், "முதலில் எனது சகோதரன் நீச்சல் பயிற்சிக்காக அம்மாவுடன் சென்றேன். பின்னர், நீச்சல் மீதான ஆர்வம் அதிகரித்தது. குறிப்பாக, போட்டியில் பங்கேற்று வெற்றி பெறுவதை ரசித்தேன்
எனது குடும்பத்தில் உள்ள அனைவரும் கிரிக்கெட் வீரர்கள். எனது தாயை தவிர அனைவரும் என்னை கிரிக்கெட்டில் கவனம் செலுத்த அறிவுறுத்தினர். அதன்பின், நீச்சல் மீதான எனது ஆர்வத்தை பார்த்து கிரிக்கெட் விளையாடவில்லையா என்று கேட்பதை நிறுத்திவிட்டனர்.
2017 ஆம் ஆண்டில், பேக்ஸ்டிரோக் பந்தயத்தில் தேசிய சாதனையை முறியடித்தேன். அப்போது தான், நாட்டிற்கு ஏதாவது செய்ய முடியும் என உணர்ந்தேன்.
ஒலிம்பிக்கில் ஜொலிப்பாரா ஸ்ரீஹரி நடராஜ் ஒலிம்பிக் தகுதிக்கு சில நாட்களுக்கு முன், இத்தாலியில் நடந்த 100 மீட்டர் பேக் ஸ்ட்ரோக் நேர சோதனையில் 53.77 வினாடிகளில் 53.77 வினாடிகளை முடிப்பதற்கு முன்பு 0.05 வினாடிகளில் 'ஏ' மதிப்பெண்ணை தவறவிட்டேன். அதன் காரணமாக, நேர சோதனைகளுக்கு செல்ல வேண்டிய கட்டாயம் ஏற்பட்டது.
நீச்சல் பயணத்தில் ஒலிம்பிக் பெரும் சவாலாக இருக்கும் நீச்சல் குளத்தில் தனி ஆளாக நீந்துவது கணக்கிடப்படும். நீச்சல் போட்டியும், நேர சோதனையும் மிகவும் வித்தியாசமாக இருக்கும். வேகக்கட்டுப்பாடு இல்லை. ஆனால், நான் நிஜ போட்டி போலத் தான் நீந்துவேன்.
எனது நீச்சல் பயணத்தில் ஒலிம்பிக் போட்டி நிச்சயம் பெரும் சவாலாக அமைந்திடும். அனைவரும் செல்ல தயாராக உள்ளார்கள். இந்திய நீச்சலை புதிய இடத்திற்கு கொண்டு செல்கிறேன். நான் அதைச் செய்ய முடியும் என்று நம்புகிறேன். ஒலிம்பிக் போட்டிக்கு தகுதி பெற்றதே மகிழ்ச்சி" என தெரிவித்தார்.
இதையும் படிங்க:முதல் உலக கோப்பை நாயகன் யாஷ்பால் சர்மா காலமானார்!
