ஜெர்மன் ஓபன் பேட்மிண்டன்: சாய்னா நேவால் தோல்வி

ஜெர்மன் ஓபன் பேட்மிண்டன் போட்டியில் இந்திய வீராங்கனை சாய்னா நேவால் இரண்டாவது சுற்றில் தோல்வியடைந்தார்.

பெர்லினில் இன்று(மார்ச்.10) நடந்த ஜெர்மன் ஓபன் பேட்மிண்டன் போட்டியின் பெண்கள் ஒற்றையர் பிரிவில் இந்திய வீராங்கனை சாய்னா நேவால் தாய்லாந்து வீராங்கனை ராட்ஷனாக் இண்டணானிடம் மோதினார். 31 நிமிடங்கள் நீடித்த ஆட்டத்தின் இறுதியில் 21-10, 21-15 என்ற செட் கணக்கில் தோல்வியை தழுவினார்.

தொடக்கம் முதலே ராட்ஷனாக் ஆதிக்கம் செலுத்தியது குறிப்பிடத்தக்கது. இதற்கு முன்னதாக நடந்த மற்றொரு போட்டியில் இந்தியாவின் நட்சத்திர வீராங்கனை பி.வி. சிந்து, சீன வீராங்கனை ஜாங் யி மேனை எதிர்கொண்டார். இறுதியில் 14-21 21-15 14-21 என்ற கணக்கில் தோல்வியடைந்தார்.

மறுபுறம் ஆண்கள் பிரிவில் இந்திய வீரர் ஸ்ரீகாந்த், சீனாவின் லு குவாங் சூவை 21-16, 21-23, 21-18 என்ற செட் கணக்கில் வென்று அசத்தினார். இதற்கு அடுத்தாக டென்மார்க்கின் முதல் நிலை வீரரான விக்டர் ஆக்செல்சனை எதிர்கொள்கிறார்.

இதையும் படிங்க:ICC Women World Cup 2022: இந்தியாவை வீழ்த்தியது நியூசிலாந்து