தங்கம் வென்றார் பஜ்ரங் பூனியா

ரஷியாவில் அலி அலியேவ் மல்யுத்த தொடரில் முதல் நிலை வீரரும் இந்திய வீரருமான பஜ்ரங் பூனியா தங்கப்பதக்கம் வென்று அசத்தியுள்ளார்.

ரஷியாவின் கஸ்பிஸ்க் நகரில் அலி அலியேவ் (Ali Aliyev) மல்யுத்த தொடர் நடைபெற்றுவருகிறது. இதில், ஆடவர் 65 கிலோ ப்ரீ ஸ்டைல் பிரிவின் இறுதிப் போட்டியில், முதல் நிலை வீரரும் இந்திய வீரருமான பஜ்ரங் பூனியா, ரஷியாவின் விக்டர் ரசாதீன் ( Victor Rassadin) உடன் மோதினார்.

தொடக்கத்தில் 0-5 என்ற கணக்கில் பின் தங்கிய நிலையில், எழுச்சிபெற்ற பஜ்ரங் பூனியா 13-8 என்ற கணக்கில் விக்டரை வீழ்த்தி தங்கப்பதக்கம் வென்றார். சீனாவின் ஜியானில் நடைபெற்ற ஆசிய மல்யுத்த சாம்பியன்ஷிப் தொடரில் இவர் தங்கம் வென்றார் என்பது குறிப்பிடத்தக்கது.