உலக சாம்பியன்ஷிப் தடகள போட்டிகள் கத்தார் நாட்டின் தலைநகரமான தோஹா நகரில் நடைபெற்று வருகின்றது. இதில் இந்தியாவின் நட்சத்திர தடகள வீரரான அனு ராணி உலக சாம்பியஷிப் ஈட்டி எறிதல் பிரிவில் பங்குபெற்றார்.
இன்று நடைபெற்ற குரூப் ஏ பிரிவுக்கான தகுதிச்சுற்றில் அன்னுராணி முதல் வாய்ப்பில் 57.05 மீட்டர் தூரம் ஈட்டியை வீசினார். அதன் பின் தனது இரண்டாவது வாய்ப்பைப் பயன்படுத்தி கொண்ட அவர் 62.43 மீட்டரில் ஈட்டியை எறிந்து அனைவரையும் ஆச்சரியத்தில் ஆழ்த்தினார்.
அதன்பின் தனது மூன்றாவது வாய்ப்பை சிறப்பாகப் பயன்படுத்திய ராணி 60.50 மீட்டர் தூரத்திற்கு ஈட்டியை வீசி உலக சாம்பியன்ஷிப் ஈட்டி எறிதல் இறுதிப்போட்டிக்கு முன்னேறினார்.