டோக்கியோ ஒலிம்பிக் ஆடவர் ஹாக்கி அரையிறுதிப் போட்டியில் இந்தியா-பெல்ஜியம் அணிகள் மோதின. 41 ஆண்டுகளுக்குப் பின் முதன்முறையாக இந்தியா அரையிறுதிக்கு முன்னேறியதை அடுத்து இந்தப் போட்டி ரசிகர்களிடையே பெரும் எதிர்பார்ப்பை ஏற்படுத்தியது.
சமநிலையில் முதல்பாதி
ஆட்டம் ஆரம்பித்த இரண்டாம் நிமிடத்திலேயே இந்தியாவுக்கு அதிர்ச்சி ஏற்படுத்தும் விதமாக பெல்ஜியம் முதல் கோலை அடித்தது. பெனால்டி கார்னர் வாய்ப்பை பயன்படுத்தி பெல்ஜியம் அணி வீரர் லோயிக் பேனி முதல் கோலை தேடித்தந்தார்.
தொடக்கத்திலேயே பின்னடைவைச் சந்தித்தாலும் இந்திய அணி ஆக்ரோஷமான ஆட்டத்தை வெளிப்படுத்தியது. அதற்கு உடனடியாக பலன் கிடைத்தது.
ஆட்டத்தின் ஏழாவது நிமிடத்தில் இந்திய அணிக்கு பெனால்டி கார்னர் வாய்ப்பு கிடைத்தது. அதை ஹர்மன்பிரீத் சிங் கோலாக மாற்றி ஆட்டத்தை 1-1 சமநிலைக்குக் கொண்டுவந்தார்.
அடுத்த நிமிடத்திலேயே இந்திய அணி அட்டாக்கிங் ஆட்டத்தை வெளிப்படுத்தியது. இதில் இந்திய அணிக்குக் கிடைத்த வாய்ப்பை மன்தீப் சிங் கோலாக மாற்றினார். இதையடுத்து 2-1 என்று கோல் கணக்கில் இந்தியா முன்னிலைப் பெற்றது.
இந்தியா தொடர்ந்து முன்னிலையில் இருந்துவந்த நிலையில், ஆட்டத்தின் 19ஆவது நிமிடத்தில் பெல்ஜியம் அணிக்கு பெலான்டி கார்னர் வாய்ப்பு கிடைத்து. அதை அந்நாட்டின் அலெக்ஸாண்டர் ஹென்ட்ரிக்ஸ் கோலாக மாற்றினார்.