ஒலிம்பிக் தகுதிச்சுற்று: அமெரிக்காவை வீழ்த்தி ஒலிம்பிக்கிற்கு தகுதி பெற்ற இந்தியா!

புவனேஷ்வர்: டோக்கியோ ஒலிம்பிக் தொடருக்கான ஹாக்கி தகுதிச்சுற்று இரண்டாவது ஆட்டத்தில் இந்திய மகளிர் அணி 1-4 என்ற கணக்கில் அமெரிக்காவிடம் தோல்வியடைந்தது.

ஜப்பான் தலைநகர் டோக்கியோவில் அடுத்தாண்டு நடைபெறவுள்ள ஒலிம்பிக் தொடருக்கான ஹாக்கி தகுதிச்சுற்று போட்டிகள் இந்தியாவின் ஒடிசா மாநிலத்தில் நடைபெற்று வருகிறது. இதில் இன்று நடைபெற்ற இரண்டாவது தகுதிச்சுற்று ஆட்டத்தில் இந்திய மகளிர் அணி, அமெரிக்க மகளிர் அணியை எதிர்கொண்டது.

பரபரப்பான இந்த ஆட்டத்தில் அபாரமாக விளையாடிய அமெரிக்க அணி ஆட்டத்தின் தொடக்கம் முதலே அதிராடியாக விளையாடி கோல்களை அடித்தது. இதன் மூலம் அமெரிக்க அணி 4-1 என்ற கோல்கணக்கில் இந்திய அணியை வீழ்த்தியது.

இருந்த போதும், நேற்று நடைபெற்ற ஆட்டத்தில் இந்திய மகளிர் அணி 5-1 என்ற கோல் கணக்கில் அமெரிக்காவை வீழ்த்திருந்தது. இதன் மூலம் இன்றைய கோல் கணக்கையும் கொண்டு 6-5 என்ற கணக்கில் இந்தியா முன்னிலை பெற்றது.

இதன் மூலம் இந்திய மகளிர் அணி 2020 டோக்கியோ ஒலிம்பிக் தொடருக்கான மகளிர் ஹாக்கி போட்டிக்கு தகுதிபெற்றுள்ளது குறிப்பிடத்தக்கது.

இதையும் படிங்க: அமெரிக்காவை அலறவிட்ட இந்தியா- அடுத்த சுற்றுக்கு முன்னேற்றம்!