சீரி ஏ கால்பந்து தொடர் இத்தாலியின் பல்வேறு நகரங்களில் நடைபெற்று வருகிறது. இதில் இன்று (ஜன.07) நடைபெற்ற லீக் ஆட்டத்தில் ஜுவென்டஸ் அணி - ஏசி மிலான் அணியை எதிர்கொண்டது.
பரபரப்புடன் தொடங்கிய இந்தப் போட்டியில் ஜுவென்டஸ் அணி ஆரம்பம் முதலே தனது அபார ஆட்டத்தை வெளிப்படுத்தத் தொடங்கியது. இதில் சிறப்பான ஆட்டத்தை வெளிப்படுத்திய ஃபெடரிகோ சிசா ஆட்டத்தின் 19ஆவது நிமிடத்தில் கோலடித்து அணியின் கோல் கணக்கை தொடங்கிவைத்தார்.
இதற்கு பதிலடி கொடுக்கும் வகையில் ஏசி மிலான் அணியின் டேவிட் ஆட்டத்தின் 41ஆவது நிமிடத்தில் கோலடிக்க, முதல் பாதி ஆட்டம் 1-1 என்ற கோல் கணக்கில் சமனில் முடிந்தது.
ஏசி மிலானை வீழ்த்தி ஜுவென்டஸ் அபார வெற்றி
இதைத்தொடர்ந்து நடைபெற்ற இரண்டாம் பாதியிலும் அசத்தலான அட்டத்தை வெளிப்படுத்திய ஃபெடரிகோ சிசா ஆட்டத்தின் 62ஆவது நிமிடத்தில் மீண்டும் ஒரு கோலடித்து அசத்தினார்.