லாலிகா கால்பந்து தொடரில் டிசம்பர் 28ஆம் தேதி நடைபெற்ற லீக் ஆட்டத்தில் பார்சிலோனா எஃப்சி அணி - ஈபார் எஃப்சி அணியை எதிர்கொண்டது. இப்போட்டியின் முடிவில் இரு அணிகளும் தலா ஒரு கோல் என்ற வீதம் சமநிலையில் இருந்ததால், ஆட்டம் டிராவில் முடிந்ததாக அறிவிக்கப்பட்டது.
இப்போட்டியின் இரண்டாம் பாதி ஆட்டத்தின்போது பார்சிலோனா அணியின் நட்சத்திர மிட் ஃபீல்டர் பிலிப்பே கொடின்ஹோவின் கால் பகுதியில் காயம் ஏற்பட்டது. பின்னர் களத்திலிருந்து வெளியேறிய கொடின்ஹோ, உடனடியாக மருத்துவமனைக்கு கொண்டுசெல்லப்பட்டார். அங்கு அவருக்கு மேற்கொள்ளப்பட்ட ஸ்கேன் பரிசோதனையில், கொடின்ஹோ கால் மூட்டின் உள் பகுதியில் காயம் ஏற்பட்டிருப்பது கண்டறியப்பட்டது. பின்னர் அவருக்கு ஆர்த்ரோஸ்கோபி அறுவை சிகிச்சை செய்யப்பட்டது.