கரோனா வைரஸ்: மருத்துவ உபகரணங்களை சேகரிக்க உதவும் கால்பந்து மைதானம்

கரோனா வைரஸைக் கட்டுப்படுத்தும் விதமாக மருத்துவ உபகரணங்களை சேகரிக்கும் இடமாக ரியல் மாட்ரிட் கால்பந்து கிளப் அணியின் சன்டிகோ பெர்னாபு மைதானம் பயன்படவுள்ளது.

சீனாவில் பரவத் தொடங்கிய கரோனா வைரஸால் ஐரோப்பா கண்டங்களில் பெரும் பாதிப்பு ஏற்பட்டுள்ளது. இதுவரை ஐரோப்பா கண்டங்களில் இரண்டரை லட்சத்திற்கும் மேற்பட்டோர் கோவிட் -19 வைரசால் பாதிக்கப்பட்டுள்ளனர். இதில், இத்தாலிக்கு அடுத்தப்படியாக படுமோசமான நிலையில் ஸ்பெயின் உள்ளது.

அந்நாட்டில் இதுவரை 56 ஆயிரத்திற்கும் மேற்பட்டோர் கோவிட் -19 வைரஸால் பாதிக்கப்பட்டுள்ள நிலையில், நான்கு ஆயிரத்திற்கும் மேற்பட்டோர் உயிரிழந்தனர். இதைக் கட்டுப்படுத்தும் விதமாக பார்சிலோனா கால்பந்து அணியின் நட்சத்திர வீரர் மெஸ்ஸி, பார்சிலோனாவில் உள்ள மருத்துவமனைக்கு 0.5 மில்லியன் யூரோக்களை நிதியுதவி வழங்கினார்.

இந்நிலையில், ஸ்பெனில் கோவிட் -19 வைரஸைக் கட்டுப்படுத்தும் விதமாக மருத்துவ உபகரணங்களை சேகரிக்கும் இடமாக ரியல் மாட்ரிட் கால்பந்து கிளப் அணியின் சொந்த மைதானமான சன்டிகோ பயன்படவுள்ளது. இதனை ரியல் மாட்ரிட் அணி தனது ட்விட்டர் பக்கத்தில் உறுதிப்படுத்தியது.

இதையும் படிங்க:உலகின் சிறந்த கால்பந்து வீரர் ரொனால்டோதான், ஆனால்?